2022 ҫулхи чӳк уйӑхӗн 20-мӗшӗнче Хусан хулин «Нумай чӗлхеллӗ вырсарни шкулӗнче» регионсем хушшинчи нумай чӗлхеллӗ условинче чӑваш чӗлхине аталантарас тата упрас ыйтупа практикӑпа вӗрентӳ семинарӗ пулать.
Ӗҫлӗ калаҫӑва хутшӑнма Чӑваш Республикин тӗп хулинчен делегаци ҫула тухрӗ. Унӑн йышӗнче: Чӑваш наци конгресӗн президенчӗ Валерий Клементьев, регионсем шайӗнчи чӑваш чӗлхипе литератури вӗрентекенсен Ассоциацийӗн ертӳҫи Геронтий Никифоровпа, конгресс пайташӗ Юлия Анисимова тата ЧНК пресс-служба ертӳҫи Елизавета Долгова.
