Паян Владимир Александрович Иванов хваттерӗнче темшӗн шавлă, час-часах телефон шӑнкӑравлани янăрать.
— Кам вӑл Владимир Иванов? – шутлатăр пуль Эсир, хисеплӗ вулакан.
Владимир Александрович – пирӗн паллă ентеш. Вӑл педагогика наукисен докторě, профессор. Чӑваш Республикин аслӑ шкулӗн тава тивӗҫлӗ ӗҫченӗ. Икçěр ытла ӑслӑлӑх ӗҫӗн авторӗ, вěсен хушшинче пилěк монографипе вӗренӳ пособийӗсем те пур. Тата вăл Константин Ивановăн «Нарспи» поэмине нимӗҫле куҫарнӑ.
В.А. Иванов 1963 ҫултан пуҫласа И.Я. Яковлев ячěллě Чӑваш патшалӑх педагогика институтӗнче ассистент, аслă вěрентекен пулса ěçленě; 1969 ҫултан – И.Н. Ульянов ячěллě Чăваш патшалăх университетěнче: ассистент, аслă вěрентекен; доцент, профессор, ют чӗлхе кафедрин ертӳçи. Доктор диссертацине 1999 ҫулта «Нимӗҫсен танлаштаруллӑ этника педагогики» темӑпа хӳтӗленӗ.
— Мӗншӗн паян пире ун ҫинчен каласа паратӑр? – ыйтатăр пуль Эсир, хисеплě вулакан.
Сӑлтавӗ савӑнăçлă. Владимир Александрович хӑйӗн ҫуралнӑ кунне уявлать. Вӑл Элӗк районӗнчи Ишек ялӗнче 1937 çулхи раштав уйăхěн 27-мӗшӗнче ҫуралнӑ.
Сумлӑ хӑнасем хушшинче – Чӑваш наци конгресӗн президенчӗ В.Л. Клементьев. Валерий Леонидович пирěн чаплă ентеше килне ҫитсех çуралнă кун ячěпе саламларě: «Хисеплěрен те хисеплě Владимир Александрович! Сире çуралнă кунпа чěререн саламлатпăр. Пурнăçра чăваш юманě пек çирěп сывлăх, иксěлми телей, хур-кайăк çулě пек вăрăм ěмěр сунатпăр…», — ăшă сăмахсем, тав сăмахěсем каларě.
Ырлăх, ăнăçу, телей сунатпăр Сире, Владимир Александрович!
Елизавета Долгова
