Хисеплӗ ӗҫтешсем!
2023 ҫул — Вӗрентекен тата вӗрентӳҫӗ ҫулталӑкӗ.
Чӑваш наци конгресӗ ҫумӗнчи чӑваш чӗлхипе литератури учителӗсен Ассоциацийӗ сӗннипе 2023 ҫулта Чӑваш Республикинче «Чӑваш Республикин халӑх учителӗ» хисеплӗ ята кӗртеҫҫӗ. Ку ҫӗнӗ хисеплӗ ят. «Чӑваш Республикин халӑх учителӗ» хисеплӗ ят Чӑваш Республикин педагогика облаҫӗнчи чи пысӑк патшалӑх награди пулать.
Ӑна «Чӑваш Республикин тава тивӗҫлӗ вӗрентекен» ята тивӗҫнӗ учительсене, преподавательсене тата вӗренӳ организацийӗн ытти ӗҫченӗсене вӗренӳ аталанӑвне пысӑк тӳпе хывнӑшӑн, ӑна халӑхра анлӑ сарнӑшӑн, ӑслӑлӑх, общество ӗҫӗн хутлӑхӗнче курӑмлӑ ҫитӗнӳсем тунӑшӑн тата вӗренекенсем вӗренӳре тарӑн пӗлӳ кӑтартнӑшӑн параҫҫӗ.
